Cerpen Gisella Olivia, SDN 10 Jebus: 'Pekcun kek Rebo Kasan' (Thong Ngin Fan Ngin Jitjong)

Reporter: |

Editor: Budi Rahmad |

Senin , 16 Dec 2024 - 21:33

Di sikok kampong pas e di Desa Tayu, Kecamatan Jebus, Kabupaten Bangka Barat, diemlah due budak sekawan name e Abdul kek Aphin diorang ni beda suku e. Abdul ni urang Melayu sedangken Aphin ni urang Cine. Diorang ni galak bemaen same-same kek saling bebagi kisah tentang budaye diorang masing-masing.

Saben ari Aphin nek mereh Abdul ke rumah e, die nek ngajak Abdul ni maen ke lapang.

“Assalamualaikum Dul … oo Abdul … maen bola yoh Dul” surak si Aphin manggil si Abdul.

Rupe geh Mak Abdul yang keluer, “Eh ade Aphin, tumben Phin ka yang dateng mereh Abdul biasa e dak suah ka mereh ke rumah” kate Mak Abdul sambil kegurak.

“Aok bik sekalian be ku nek ke lapang sane” kate Aphin.

“Ooh aoklah tunggu suat ok, Abdul tengah maken” kate Mak Abdul.

“Aok lah” jaweb Aphin.

Dak lame dari tu Abdul lah selesai maken, “Yo! Phin kite gi maen, lame dak tadi ku maken e Phin?” Tanyak Abdul.

“Dak lah, dak lame dak Dul. Yo kite gi maen ke lapang” kate Alphin sambil balik badan nek bejalan.

Pas lah sampai dilapang Aphin becakap kek Abdul, “Dul ka tau dak besok kamik Pekcun nya”.
Nah Abdul ni bingung, usah ge die lum sua nenger kate Pekcun.

“Pekcun tup ape geh, Phin?” tanyak Abdul.

“Pekcun tu tradisi budaye adat kamik, kelak kamik mikin Bakcang. Nah Bakcang tu kelak e dimaken di pantai, di maken same-same kek keluarge. Sude tu kelak e jam 12.00 siang kami narok telok ayam di lantai, kelak e telok ayam tu pacak bediri nya men jam 12 siang. Nah sude e kami gi kepantai kami mandik ke aek pantai” kate Alphin ngejelasin kek Abdul.

Abdul agik bingung, sua geh die dak tau arti dan lom sua nenger tu semue.
“Arti dari tu semue ape, Phin?” tanyak Abdul agik.

“Arti dari mandi pas jam 12.00 siang tu biak kami terhindar dari balak, biasa e pas ari Pekcun di kepercayaan kamik tu jam 12.00 siang ade aek yang nama e “eng si shui”, men mikin telok ayam bediri tu cumen kepercayaan kamik be” jelas Aphin.

“Men mawak pemaken di pantai kek makan di pantai tu arti e ape?” tanyak Abdul yang agik bingung.

“Dak de arti e lah, cumak makan-makan be disitu men dak mandik”, Aphin ngejelas e.

“Tapi bakcang tu ape geh, Phin?” tanyak Abdul pulik.

“Bakcang tu pemaken yang biasa e urang kamik mikin e pas ari Pekcun. Bakcang kamik nyebut e Nyiukcung biasa e ade yang isi e cincangan daging ayem, daging babi, kek ade juga yang isik ebi atau udang kering. Bakcang tu dibuet dari ketan yang lah dikukus, habis tu dibungkus kek daun pandan kek diisik isian daging tadi. Sude tu dikukus agik”, jelas si Aphin panjang lebar.

“Wee enak e, Phin. Ku nek lah Phin yang isik ayem”, kate Abdul sambil kegurak.

“Aoklah, kelak besok ku pacak nganter ke rumah ka”. Kate Aphin.

“Ku geh nek lah bekisah tentang adat kamik, Phin”. Kate Abdul.

“Kisah lah ku nek nenger e”. Kate Aphin dengen semangat.

“Kelak luse urang kamik geh nek ade acara name e Rebo Kasan. Rebo Kasan tu kelak kamik masak pemaken, ade ketupat, lepet, sambel asem, rendang, lempah kuning, sambel udang banyak lah pokok e pemaken e. Sude tu kamik mawak ke masjid, pas sore e kamik mawak pemaken ke pantai. Sude makan kamik mandik aek laut sebagai tolak balak, samelah kek ikak tadik” kate Abdul.

“Wee hamper same lah ok tradisi kite, cemane kelak kite gi bareng be ke pantai e?” Ide Aphin.

“Nah bolehlah tu, kelak kite mandik same-same kek makan same-same jugak ok” kate Abdul setuju.
Dak terase aril ah petang, diorang bedue ni nek pulang.

“Besok ku kek Mak ku pacak mereh ke rumah ka ok, Phin”. Kate Abdul.

“Aoklah yo kite pulang, aril ah petang ni”. Jawab Aphin.

Yang awal e nek maen bola malah jadi bekisah, diorang ni sambil bekisah tentang adat e masing-masing.
Besok e diorang bedue ni lah dipantai maen aek, sude maen aek diurang bedue ni lanjut makan pemaken yang lah dibawak kek Mak urang masing-masing.

“Ni dul. Bakcang kate ka nek nyicip e” kate Alphin.

“ku ragu nek nerima Bakcang ka ni, Phin” kate Abdul.

“Ngape Dul, ka dak suke ok?” Jawab Aphin dengan muke sedih e.

“Bukan macem tu, Phin. Urang Melayu cem ku ni dak boleh makan daging babi, haram men di budaya kamik. Maap ok, bukan e nolak rezeki”. Jawab Abdul.

“Oh macem tu. Beda ok kek urang Cine, Dul. Men di kamik emang dak de pemaken haram sih Dul, ape geh boleh dimaken men kamik”. Kate Aphin.

“Aok Phin. Budaye kite memang beda tapi jangan sampai ni malah jadi kite bemusoh. Eh tekeneng ku Mak kamik buat due macem nya, Dul. Nih ade Bakcang isi ayam. Halal kok Dul, hehe”, kate Aphin dengan semangat.

“Oh men cem tu ku nek lah yang isik daging ayam, Phin”, Abdul kegurak bener karena pacak nyicip Bakcang buatan Mak Aphin.

“Seru ok men kite saling bebagi kisah adat istiadat kite macem ni. Jadi semakin kayo wawasan kek budaye kite ni oleh beragam” kate Aphin.

Pesan moral e: kite bise lebih tau tentang adat istiadat budaye selain suku kite, dan kite mesti saling hormati adat istiadat urang lain.**

Kurator: Meilanto, Habib Safillah, dan Sudi Setiawan.

cerpen gisella olivia, sdn 10 jebus: 'pekcun kek rebo kasan' (thong ngin fan ngin jitjong)                            di sikok kampong pas e di desa tayu, kecamatan jebus, kabupaten bangka barat, diemlah due budak sekawan name e abdul kek aphin diorang ni beda suku e. abdul ni urang melayu sedangken aphin ni urang cine. diorang ni galak bemaen same-same kek saling bebagi kisah tentang budaye diorang masing-masing. saben ari aphin nek mereh abdul ke rumah e, die nek ngajak abdul ni maen ke lapang. “assalamualaikum dul … oo abdul … maen bola yoh dul” surak si aphin manggil si abdul.rupe geh mak abdul yang keluer, “eh ade aphin, tumben phin ka yang dateng mereh abdul biasa e dak suah ka mereh ke rumah” kate mak abdul sambil kegurak.“aok bik sekalian be ku nek ke lapang sane” kate aphin.“ooh aoklah tunggu suat ok, abdul tengah maken” kate mak abdul.“aok lah” jaweb aphin.dak lame dari tu abdul lah selesai maken, “yo! phin kite gi maen, lame dak tadi ku maken e phin?” tanyak abdul.“dak lah, dak lame dak dul. yo kite gi maen ke lapang” kate alphin sambil balik badan nek bejalan.pas lah sampai dilapang aphin becakap kek abdul, “dul ka tau dak besok kamik pekcun nya”.nah abdul ni bingung, usah ge die lum sua nenger kate pekcun.“pekcun tup ape geh, phin?” tanyak abdul.“pekcun tu tradisi budaye adat kamik, kelak kamik mikin bakcang. nah bakcang tu kelak e dimaken di pantai, di maken same-same kek keluarge. sude tu kelak e jam 12.00 siang kami narok telok ayam di lantai, kelak e telok ayam tu pacak bediri nya men jam 12 siang. nah sude e kami gi kepantai kami mandik ke aek pantai” kate alphin ngejelasin kek abdul.abdul agik bingung, sua geh die dak tau arti dan lom sua nenger tu semue.“arti dari tu semue ape, phin?” tanyak abdul agik.“arti dari mandi pas jam 12.00 siang tu biak kami terhindar dari balak, biasa e pas ari pekcun di kepercayaan kamik tu jam 12.00 siang ade aek yang nama e “eng si shui”, men mikin telok ayam bediri tu cumen kepercayaan kamik be” jelas aphin.“men mawak pemaken di pantai kek makan di pantai tu arti e ape?” tanyak abdul yang agik bingung.“dak de arti e lah, cumak makan-makan be disitu men dak mandik”, aphin ngejelas e.“tapi bakcang tu ape geh, phin?” tanyak abdul pulik.“bakcang tu pemaken yang biasa e urang kamik mikin e pas ari pekcun. bakcang kamik nyebut e nyiukcung biasa e ade yang isi e cincangan daging ayem, daging babi, kek ade juga yang isik ebi atau udang kering. bakcang tu dibuet dari ketan yang lah dikukus, habis tu dibungkus kek daun pandan kek diisik isian daging tadi. sude tu dikukus agik”, jelas si aphin panjang lebar.“wee enak e, phin. ku nek lah phin yang isik ayem”, kate abdul sambil kegurak.“aoklah, kelak besok ku pacak nganter ke rumah ka”. kate aphin.“ku geh nek lah bekisah tentang adat kamik, phin”. kate abdul.“kisah lah ku nek nenger e”. kate aphin dengen semangat.“kelak luse urang kamik geh nek ade acara name e rebo kasan. rebo kasan tu kelak kamik masak pemaken, ade ketupat, lepet, sambel asem, rendang, lempah kuning, sambel udang banyak lah pokok e pemaken e. sude tu kamik mawak ke masjid, pas sore e kamik mawak pemaken ke pantai. sude makan kamik mandik aek laut sebagai tolak balak, samelah kek ikak tadik” kate abdul.“wee hamper same lah ok tradisi kite, cemane kelak kite gi bareng be ke pantai e?” ide aphin.“nah bolehlah tu, kelak kite mandik same-same kek makan same-same jugak ok” kate abdul setuju.dak terase aril ah petang, diorang bedue ni nek pulang.“besok ku kek mak ku pacak mereh ke rumah ka ok, phin”. kate abdul.“aoklah yo kite pulang, aril ah petang ni”. jawab aphin.yang awal e nek maen bola malah jadi bekisah, diorang ni sambil bekisah tentang adat e masing-masing.besok e diorang bedue ni lah dipantai maen aek, sude maen aek diurang bedue ni lanjut makan pemaken yang lah dibawak kek mak urang masing-masing.“ni dul. bakcang kate ka nek nyicip e” kate alphin.“ku ragu nek nerima bakcang ka ni, phin” kate abdul.“ngape dul, ka dak suke ok?” jawab aphin dengan muke sedih e. “bukan macem tu, phin. urang melayu cem ku ni dak boleh makan daging babi, haram men di budaya kamik. maap ok, bukan e nolak rezeki”. jawab abdul.“oh macem tu. beda ok kek urang cine, dul.  men di kamik emang dak de pemaken haram sih dul, ape geh boleh dimaken men kamik”. kate aphin. “aok phin. budaye kite memang beda tapi jangan sampai ni malah jadi kite bemusoh. eh tekeneng ku mak kamik buat due macem nya, dul. nih ade bakcang isi ayam. halal kok dul, hehe”, kate aphin dengan semangat.“oh men cem tu ku nek lah yang isik daging ayam, phin”, abdul kegurak bener karena pacak nyicip bakcang buatan mak aphin.“seru ok men kite saling bebagi kisah adat istiadat kite macem ni. jadi semakin kayo wawasan kek budaye kite ni oleh beragam” kate aphin.pesan moral e: kite bise lebih tau tentang adat istiadat budaye selain suku kite, dan kite mesti saling hormati adat istiadat urang lain.**kurator: meilanto, habib safillah, dan sudi setiawan.

Tag

Share